ÆВЗАГ ДЗЫХЫ НАЛ РÆХСЫН

1. Фыр цинæй кæнæ мæстæй куыд æмбæлы, афтæ дзурын нал фæразын.

Язык не поворачивается.

Маринæйæн цыма йе 'взаг йæ дзыхы нал арæхстис, уый дзырд кодта: – «Мæ мад æмæ мæ фыд хъæды сты». (Нига, Мады кад.)

Йæхи раст кæныныл схæцыд, фæлæ йе 'взаг дзыхы нал арæхст. (Дзабиты З. Хæхты бæркад.)

2. Фырностджынæй дзурынмæ нал арæхсын.

Зындис сыл (лæппутыл), æгæр сын антыст судзагæй. Се 'взаг сæ дзыхы нал арæхст. (СИ. 1965, 126.)

Фыррасыгæй йе 'взаг йæ дзыхы нал арæхст. (Нига, Дыууæ рæдыды.)